Топ мэдээ

ТӨСЛИЙН СОНГОН ШАЛГАРУУЛАЛТЫН ЗАР

ХАМТАРСАН БАГ, ТҮР ХАМГААЛАХ БАЙР, НЭГ ЦЭГИЙН ҮЙЛЧИЛГЭЭНИЙ ТӨВД БИЧИЛ ТЭТГЭЛЭГ ОЛГОХ ТӨСЛИЙН СОНГОН ШАЛГАРУУЛАЛТ

Хууль зүй, дотоод хэргийн яам, Азийн Хөгжлийн Банк хамтран Ядуурлыг бууруулах Японы сангийн буцалтгүй тусламжаар хэрэгжүүлж буй “Хүүхэд, эмэгтэйчүүдийн эсрэг гэр бүлийн хүчирхийлэлтэй тэмцэх” төслийн хүрээнд хамтарсан баг, нэг цэгийн үйлчилгээний төв, хамгаалах байранд гэр бүлийн хүчирхийллээс урьдчилан сэргийлэх, илрүүлэх, мэдээлэхэд олон нийтийн оролцоог нэмэгдүүлэх, үйлчилгээний хүртээмж, чанарыг сайжруулах чиглэлээр бичил тэтгэлэг олгох төслийн сонгон шалгаруулалт зарлаж байна.

Улсын хэмжээнд үйл ажиллагаа явуулж буй хамтарсан баг, нэг цэгийн үйлчилгээний төв, түр хамгаалах байр нь төсөл дэвшүүлж оролцоно. Нийт 30 төслийг шалгаруулж тус бүр 5000 ам. доллар хүртэлх санхүүжилтийг олгоно.

Дараах чиглэлээр төсөл сонгон шалгаруулж, санхүүжилт олгоно. Үүнд:

  • Хамтарсан баг, нэг цэгийн үйлчилгээний төв, түр хамгаалах байрны үйл ажиллагааг олон нийтэд сурталчлан таниулах;
  • Хамтарсан баг, нэг цэгийн үйлчилгээний төв, түр хамгаалах байрны нөхцөл байдал, хүүхэд, эмэгтэйчүүдэд ээлтэй, аюулгүй орчныг сайжруулах, шаардлагатай тоног төхөөрөмжөөр хангах;
  • Жендэрт суурилсан хүчирхийлэл тэр дундаа гэр бүлийн хүчирхийллийн хэлбэрийг таньж мэдэх, урьдчилан сэргийлэх, илрүүлэх, мэдээлэх чиглэлээр орон нутгийн иргэд, эцэг эх, хүүхэд залуучуудыг татан оролцуулах.

Бичил тэтгэлэг олгох төслийг сонгон шалгаруулах, санхүүжүүлэх журам, бүрдүүлэх материал, тавигдах шаардлага болон бусад мэдээллийг доорх цахим холбоосноос авна уу http://mojha.gov.mn/wp-content/uploads/2020/03/bichil-tetgeleg-olgoh-juram.pdf

Сонирхсон баг/байгууллага 2020 оны 5 дугаар сарын 11-ны өдрийн 17:00 цагаас өмнө Бичил тэтгэлэг олгох төслийг сонгон шалгаруулах, санхүүжүүлэх журамд заасан баримт бичгийг бүрдүүлэн, төслийг харьяалах орон нутгийн Гэмт хэргээс урьдчилан сэргийлэх ажлыг зохицуулах салбар зөвлөлд битүүмжлэн хүргүүлнэ. Хугацаа хоцорсон, дутуу ирүүлсэн материалыг сонгон шалгаруулалтад оруулахгүй.

 

Холбоо барих:

“Хүүхэд, эмэгтэйчүүдийн эсрэг гэр бүлийн хүчирхийлэлтэй тэмцэх”

төсөл хэрэгжүүлэх нэгж

Хууль зүй, дотоод хэргийн яам

Засгийн газрын V байр, Чингэлтэй дүүрэг, Худалдааны гудамж 6/1

Улаанбаатар хот, Монгол Улс

Утас: 976-7744 9198

Цахим хаяг: gender.g9198@gmail.com.

Related posts

Залилан, мэхлэх гэмт хэргээс урьдчилан сэргийлье!

Amaraa Chuluun

“Гэр бүлийн хүчирхийлэлтэй тэмцэхэд нийгмийн ажилтны оролцоо” сургалт боллоо

Amaraa Chuluun

Зам тээврийн ослоос сэрэмжилье!

admin admin

Leave a Comment