Гаалийн байцаагчид бүлэглэн авлига авч, албан тушаалын давуу байдлаа ашиглаж байгаа бичлэгийг АТГ-аас цацлаа. Гаалийн байцаагчид 90 сая тонн ачааг улсын хилээр ямар ч хяналт шалгалтгүйгээр оруулсныхаа төлөө 4.5 сая төгрөгийн хахууль авчээ. Гэтэл уг ачаа, бараа нь хууль журмын дагуу хилээр шалгуулаад гарсан бол 28.2 сая төгрөгийн татвар төлөх байсан байна. Гэтэл хилээр шалгуулалгүй, нэг ч төгрөгийн татвар улсад төлөгдөөгүй байна. Харин гаалийн байцаагчид бүлэглэн энэ хэрэгт оролцож, 4.5 сая төгрөгийн хахууль өгсөн нь баримтаар нотлогджээ. Энэхүү хэрэг 2016 онд гарсан хэрэг бөгөөд үүнээс хойш дахин давтан ийм гэмт хэргийн шинжтэй, шударга бус үлдэж байгаа учраас санаалга болох үүднээс бичлэгийг олон нийтэд цацаж байна гэдэг мэдээллийг АТГ-ын ахлах комиссар Г.Баярхүү хэллээ.